Gott að knúsa mömmu :-)

Gengið kringum jólatréð

Í löbbunni að reyna að ná í snuðið

Við Steingrímur að knúsast

Steingrímur í jólabúning :-)

Jólaball á Lyngási :-)

Þriðjudaginn 20. desember var haldið jólaball á Lyngási. Við Júlíana mættum með steinsofandi lítinn mann í fallegum flauelsmatrósafötum. Eftir þó nokkuð dekstur tókst okkur að vekja hann og var hann svo færður í jólasveinabúning. Svo var farið í salinn og þar var jólaskemmtun. Deildin hans Steingríms var með atriði uppi á sviði og það fannst honum ekki leiðinlegt. Hann klappaði saman lófunum og hossaði sér, var miðpunktur athyglinnar :-) Eftir þetta var dansað í kringum jólatréð. Steingrímur fór aðeins í kringum tréð í stólnum sínum, svo fór hann í "löbbuna" sína og þá var mikið hoppað. Hann fór gjarnan aftur á bak og klessti aðeins á aðra ballgesti :-) Svo fór hann og labbaði sjálfur hringinn með hjálp Sólveigar sem umsjónarkonan hans. Eftir ballið var farið inn á deild þar sem við fengum góðar veitingar. Steingrímur smakkaði á brauðtertunni en var hrifnastur af jarðarberjatertunni. Hann var sko alveg til í að opna munninn til að hleypa henni inn :-) Þegar fjörinu lauk kom hann svo í stutta heimsókn niður í vinnu til mín þar sem ég gat aðeins montað mig yfir honum við þá sem voru á staðnum. Það var þreyttur kútur sem fór svo heim með mömmu.

Daufur sunnudagur

Steingrímur var vakinn rúmlega 8 og var ekki beint hress. Hann sofnaði svo aftur eftir tæpan klukkutíma og svaf meira og minna fyrir hádegi. Við fórum svo á smá flandur, kíktum í búðir og keyptum jólagjafir. Litli karl var frekar framlágur og sofnaði líka eftir hádegi. Hann fór svo til Siggu frænku í eftirmiðdaginn, og var þá aðeins farinn að hressast. Hann var lystarlaus í dag, greinilegt að nýju lyfin eru að segja til sín.

Það var mikið klappað og höndum veifað

Einn situr og dillar sér

Hvað er Óli að gera ? Hmmm ?

Snuff snuff ! Brad Pitt tékkar á samkeppninni

Lítill maður slappur

Steingrímur svaf illa í nótt og skældi upp úr svefni nokkrum sinnum :( Ég varð að vekja hann til að gefa honum morgunmatinn og lyfin sín. Hann lék sér svo í rólegheitunum en var alls ekki hress. Hann dottaði einu sinni um 10 leytið, og svo sofnaði hann í stólnum þegar ég var að gefa honum hádegismatinn. Hann borðaði heldur ekki vel. Svo fórum við í leiðangur. Við fórum í Smáralindina, en þar voru svo mikil læti að við forðuðum okkur fljótt. Þaðan lá leiðin til Steinku systur, þar sem við heilsuðum upp á tíkina Freyju, sem þótti alls ekki leiðinlegt að sjá okkur :-) Þá fórum við í Mávahlíðina að kíkja á Óla og co., en þá sofnaði Steingrímur aftur (um kl. 4!). Óli var alltaf að kíkja á hann og reyna að vekja hann. Hann vaknaði frekar úrillur og var afar slappur í fanginu á mér. Okkur var svo boðið í mat hjá mömmu og tókst mér að fá ofan í hann 4 skeiðar af kjúkling með hrísgrjónum. Við stoppuðum aðeins í Blómaval á leiðinni heim, og keyptum jólakúlur. Steingrími þótti gaman að skoða öll ljósin :-) Er heim kom var gæinn drifinn í rúmið en hann sofnaði ekki fyrr en um kl. 11. Var samt afar þreyttur og vælinn. Vonandi sefur hann vel og vaknar hress á morgun.

Jæja, þetta er komið langleiðina niður

Hihi, gaman gaman 

Best að renna þessu niður fyrir þig

Við gerum alveg eins :-)

Sætust saman á gólfinu

Herra Ofvirkur !

Jæja, enn og aftur kemur Steingrímur og rúlar heimilinu hér í Möðrufelli :-) Hann var að byrja á nýju lyfi og mamma hans varaði við því að hann gæti kannski verið svolítið slappur þess vegna. En neeeeeeeii ! Við fórum í heimsókn til Sifjar og Örnu Aspar, og minn var í svoleiðis bana(na)stuði ! Spjallaði, skreið, dillaði sér, lék sér að dóti og skellihló þegar bleyja var dregin yfir andlitið á honum :-) Arna var í því að herma eftir honum, lagðist hjá honum á gólfið og gerði eins og hann :-) Svo settist hún hjá honum og fór að renna niður peysunni hans, klappa honum í framan og spjalla við hann :-) Mjög sætt :-) Eftir Idolið renndum við heim og þar var ungi herrann ekkert á því að sofna ! Hann hoppaði og skoppaði í rúminu og var enn í dæmalausu stuði. Klukkan 11 varð hann samt að gefast upp, blessuð hetjan. Sefur alveg eins og engill núna :-)