Fær aðstoð frá Svanhildi í stiganum

Tveir æðislegir

Sæti gæjar

Einn í stuði við stigann

Ég vil sleppa út úr stofunni!

Sætur að chilla í Mávahlíð

Kíkt í heimsókn í Mávahlíðina

Steingrímur svaf til klukkan hálf átta!! Við vorum því bæði mjög hress þegar kom að morgunmatnum :) Við chilluðum fram að hádegi og unginn borðaði að venju mjög vel, 2 diska af grjónagraut. Eftir hádegið brugðum við okkur aðeins í Kringluna m.a. til að kaupa meira að drekka. Sumir urðu mjög kátir þegar þeir sáu kókómjólk fara ofan í körfuna :D Svo fórum við í Mávahlíðina. Ég var með pakka handa bræðrunum Óla og Steinari og urðu þeir afar kátir að fá fiskaspil. Steingrímur var ekki sáttur við að glerdyrnar milli stofnunar og gangsins væru lokaðar, langaði til að komast í stigann. Hann fékk svo að fara fram á pallinn undir eftirliti en lagði ekki einn í stigann. Fannst hann hinsvegar mjöööög spennandi :) Hann settist aðeins með strákunum sem voru að horfa á mynd í tölvunni en fannst það ekkert skemmtilegt og stakk af. Svo fórum við heim og bjuggum til pizzu í kvöldmatinn. Steingrímur borðaði ágætlega og var síðan á röltinu ánægður og hamingjusamur þar til kom að háttatíma. Hann sofnaði strax og hann var lagður í rúmið litla mús :)

ZZZZZZ

Gæjast á snyrtistofunni

Hnoðast heima hjá "ömmu" í Stigahlíð

Mikið að gera í dag

Steingrímur vaknaði kl. hálf sjö en við kúrðum saman uppi í rúmi til sjö. Hann borðaði tvo diska af hafragraut og fór svo í stofuna að hnoðast. Við hlustuðum á tónlist allan morguninn og Steingrímur undi glaður við sitt, alveg rólegur og svo þögull stundum að ég þurfi að tékka hvort hann væri vakandi! Hann var með ótrúlega matarlyst í hádeginu, ég skil ekki hvert allur þessi matur fer :) Svo skelltum við okkur í Spilavini á Langholtsvegi þar sem ég keypti spil handa litlu frændum mínum. Steingrímur sá þarna stiga sem var ansi spennandi en eftir nokkur slagsmál fékkst hann til að sitja eins og engill á litlum kolli meðan ég borgði. Næst fórum við í heimsókn til mömmu minnar. Þar fann gaurinn ný húsgögn til að hnoðast í :) Hann fékk svo ristað brauð með osti að gæða sér á og fannst það hreint ekki slæmt. Næsti stopp var hjá Steinku systur. Þar er allt í róti þar sem hún er að flytja. Við skruppum með henni aðeins á snyrtistofu og naglasnyrtirinn átti ekki til orð yfir hvað drengurinn væri fallegur :D Hann fékk smá súkkulaði frá henni og var afar ánægður með það. Loks héldum við heim og drengsi fékk sér frekar lítinn kvöldmat. Ekkert skrítið miðað við allan matinn sem hann borðaði um daginn! Hann fór upp í rúm kortér yfir átta en í 20 mínútur heyrðist spjall úr rúminu. Nú sefur hann sætt :D

Hnoðast í sófa :)

Ahh, kósí :)

Kúrt á stól (eftir að bannað var að klifra upp á hann :))

Hnoðkarl leikur sér í sófa :)

Það var sprækur gaur sem ég sótti á leikskólann. Þegar ég stoppaði aðeins til að tala við starfsfólkið var ég bara dregin af stað í áttina að dyrunum :) Engin þolinmæði með svona blaðri :) Er heim kom brunaði hann strax að eldhúsdyrunum sem voru lokaðar og opnaði þær. Það er bara partur af rútínunni að taka einn rúnt í eldhúsinu þegar hann kemur hingað :D Svo fór hann inn í stofu og fór að reyna að klifra í stólunum og kúra í þeim. Mamma kom aðeins við með vítamín og fékk auðvitað knús að launum :D Svo fór minn að leika sér í sófanum. Og hann hnoðaðist og hnoðaðist, prófaði fullt af stellingum og fór upp og niður úr honum. Mjöög gaman hjá unga manninum :D Klukkan sjö borðuðum við kvöldmat og þá tók gæinn hressilega til matar síns. Tveir diskar af ýsu, stöppuðum kartöflum og soðnu grænmeti ! Nú er búið að þvo herranum, tannbursta og setja hann í náttföt. Hann er samt enn hér á röltinu hinn hressasti, stoppar aðeins til að horfa á sjónvarpið með mér :) Prófum að kíkja á rúmið ef hann fer eitthvað að slappast :)