Steingrímur í stuði í eldhúsinu í kvöld

Borðað með fæturnar uppi á borði :D

Krúttkarlar

Alvarleg mús að klappa

Tveir sætir

Að leika sér í flottu púðunum þeirra bræðra í Mávahlíð

Hilda berst við iðandi orm sem vildi sleppa við skóna

Maður er svooo sætur þegar maður sefur ! Þessi var tekin í gær

Heimsókn í Mávahlíð og hressari kall

Steingrímur vaknaði aftur úrillur og var mjög órólegur allan morguninn. Hann sofnaði svo í um 10 mínútur um hádegið, vaknaði frekar svekktur en borðaði samt vel. Eftir hádegið skelltum við okkur aðeins í Kringluna. Steingrími þótti það ágætt, var aðeins að væla en sat annars með krosslagða fætur alveg svakalegur gæi. Margir sem gengu fram hjá brostu við að sjá hann þannig :-D Svo skelltum við okkur í heimsókn í Mávahlíðina. Þeir bræður Óli og Steinar voru í dúndur stuði. Óli fór að herma eftir hljóðunum hjá Steingrími og getur nú sagt nafnið hans lýtalaust, kallar hann ekki "grimmur" eins og fyrst :-) Steingrímur var mun hressari þarna en áður og þegar við komum heim var hann bara eiturhress - var gamli góði Steingrímur. Við mæðgur vorum báðar sammála um það. Enda gekk vel að koma í hann kvöldmatnum. Hann var svo á ferð og flugi um íbúðina þar til kom að háttatíma. Enn heyrist hljóð úr rúminu en hann er samt frekar rólegur. Gaman að sjá hann svona hressan :-)

Chillað í eldhúsinu hennar Steinku, sem er með skemmtilega mynstrað gólf

Labbað af stað til baka í bílinn

Við Stefánshöfða

Litli prakkarinn ætlaði að vaða út í pollinn !

Guðlaug og Steingrímur við móbergskletta

Setið í litlum hellisskúta

Steinka og Steingrímur að skoða vetrarblómin

Kíkt á vetrarblóm við Kleifarvatn

Litli unginn átti erfiðan morgun. Hann vaknaði rétt fyrir átta og var strax frekar órólegur. Hann tók mörg grátköst um morguninn og var lítið hægt að gera. Hann vildi hvorki labba né sitja né drekka. Helst var hann rólegur í fanginu á mér á labbi, rétti oft hendurnar til mín og bað mig að taka sig. Eftir smástund vildi hann samt alltaf niður. Hádegismaturinn fór ofan í hann, með nokkurri fyrirhöfn þó. Eftir hádegið fór hann svo að hressast. Við brugðum okkur aðeins í Smáralindina og þar sat hann með krosslagðar fætur í kerrunni og horfði á mannlífið. Snuddan var með í för, í hvert sinn sem reynt var að fjarlægja hana var mótmælt kröftuglega. Síðan fórum við með Steinku systur og Guðlaugu frænku að Kleifarvatni að kíkja á vetrarblóm. Það er svo gaman að sjá þau á vorin, eru fyrstu blómin sem blómstra. Við fundum fullt af vetrarblómum og skoðuðum flotta kletta við vatnið. Steingrímur fékk að sitja inn í litlum hellisskúta og líka að labba í sandinum við Stefánshöfða. Hann vildi reyndar labba út í stóran poll sem var þarna en ég kom í veg fyrir það :-) Veðrið var mjög gott og mjög gaman hjá okkur. Síðan stoppuðum við aðeins hjá Steinku og þar fékk gaurinn síðdegishressingu. Svo var haldið aftur heim og þar tók hann góðan lúr. Frekar erfiðlega gekk að koma í hann kvöldmatnum en hálfur diskur fór þó sína leið. Hann sofnaði svo rúmlega hálf tíu en var í fínu formi þangað til. Vonandi vaknar hann hress og kátur !

Chillað á borðinu

Með nývaknaðan úrillan gaur í sófanum

Sumir sofnuðu eins og steinn rétt fyrir matinn !

Steinsofandi í fangi Siggu frænku í afmæli Evu Karenar

Syfjaður snúlli

Þegar ég kom að sækja gaurinn á leikskólann var mér sagt að hann hefði átt frekar erfiðan dag, hefði verið verulega pirraður. Hann var samt í góðu skapi þegar ég kom og vappaði fram í löbbunni og var hin samvinnufúsasti meðan ég klæddi hann í fötin. Við skruppum svo í smá heimsókn til Svanhildar, þar sem Óli kíkti á vin sinn og sendi honum leiftrandi bros. Mamman dúkkaði svo upp á svæðinu með húslyklana og knúsaði gæjann aðeins í leiðinni. Þegar heim kom fór unginn á röltið en varð fljótt órólegur og óánægður. Hann fór svo að háskæla einmitt þegar Helga vinkona stoppaði við með grænmeti handa mér. Hann bræddi mig alveg með því að vilja bara vera í fanginu mínu og eftir smá stund róaðist hann í fanginu - aðeins of mikið! Hann var s.s. að sofna rétt rúmlega sex. Mér tókst aðeins að halda honum vakandi en hann sofnaði loks í fanginu á Hildu. Ég vakti hann svo tíu mínútum seinna við litlar vinsældir og náði að koma í hann smá kvöldmat. Það gekk svona la la, en amk fóru nokkrar skeiðar sína leið. Klukkan átta var unginn háttaður og settur í rúmið. Í þetta sinn var ekkert tjútt og djamm, hann sofnaði mjög fljótt enda sögðu leikskóladömurnar að hann hefði aðeins sofið í 5 mínútur hjá þeim ! Nú sefur hann eins og engill,vonandi vel í alla nótt :-)

Sybbinn gaur birtist milli sófa og borðs

Að stelast upp stigann :-)

Smá fimleikar

Herrann að vefja sig utan um eldhúsdyrakarminn

Þegar ég ætlaði í buxurnar var einhver sem greip í þær og togaði þær til sín :-)

Afmælisboð og afslöppun

Við vöknuðum rétt um kl. 7 í morgun. Steingrímur var mun skapbetri í dag en í gær, lítið var um skælur. Hann borðaði góðan morgunmat og fékk svo að rúnta um húsið til kl. hálf ellefu en þá fórum við í afmæli til Óskars hennar Gunnu. Þar var boðið upp á súkkulaðiköku, nokkuð sem mínum manni fannst hreint ekki leiðinlegt. Hann brosti út af eyrum af ánægju meðan hann var að háma hana í sig. Hann fékk líka að rúnta þarna um sem honum fannst ekki leiðinlegt. Í eftirmiðdaginn varð hann þreyttur og lagði sig. Ég ákvað að fá mér smá kríu líka og vorum við bæði hin hressustu þegar við vöknuðum - kortér yfir sex ! Hann borðaði mjög vel af kvöldmatnum, plokkfisk með kartöflusalati. Síðan höfðum við það gott fyrir framan sjónvarpið og nutum lífsins. Um kl. 10 setti ég hann í rúmið, um ellefu var hann steinsofnaður. Við ættum að vera vel úthvíld bæði eftir þennan rólegheita sunnudag :-)