Gaur að leika í kastalanum

Horft á selina

Labbað yfir uppáhaldsbrúnna í kastalanum

Skoðaður kastali

Að keyra bílinn, sneri stýrinu dágóða stund

Gjugg í borg :)

Gaman að skoða skipið :D

Labbað upp í sjóræningjaskipið

Gæi á röltinu í Fjölskyldugarðinum

Fjör í Fjölskyldu- og húsdýragarðinum

Steingrímur vaknaði kl. hálf sjö og var bara í góðu skapi. Hann borðaði vel af morgumatnum og fór svo á röltið eins og venjulega. Þegar nær dró hádeginu var minn maður orðinn ansi úrillur en það lagaðist þegar hann fékk að háma í sig fullan disk af ýsu og kartöflum. Eftir hádegið skruppum við í Bónus og héldum svo í Fjölskyldu- og húsdýragarðinum. Þar hittum við Svanhildi og Ragnar sem voru með Óla og Steinar við stóra sjóræningjaskipið. Steingrímur tölti strax af stað þegar ég tók hann úr kerrunni og brunaði beint að skipinu. Hann klifraði upp í það án aðstoðar og skoðaði sig um :D Hann labbaði svo aftur út og fór að rölta um svæðið. Hann klifraði upp brekku umhverfis skurðgröfurnar án vandræða, þurfti hinsvegar aðeins hjálp á leiðinni niður. Hann fór svo og skoðaði litlu húsin sem eru við hliðina á skipinu og skellti sér upp í bíl sem þar er og sneri stýrinu aðeins. Svo fór hann með bræðrunum í kastala sem er þarna líka og vappaði fram og til baka eftir brú sem honum fannst greinilega mjög skemmtileg. Svanhildi og Ragnari fannst ótrúlegt hvað gaurinn er orðinn duglegur að labba og hreyfa sig. Hann fékk svo ís frá þeim en borðaði ekki mikið af honum, smakkaði aðeins. Síðan töltum við yfir til dýranna og Steingrímur horfði nokkra stund á selina. Honum fannst hin dýrin ekki eins spennandi. Næst var haldið heim á leið þar sem herrann borðaði tvær brauðsneiðar með kæfu og fékk smá kleinuhring í eftirmat. Hann dútlaði sér svo hér um íbúðina þar til kom að kvöldmatnum og þá var tekið mun hraustlegar til matar síns en í gær! Enda búinn að hreyfa sig ekkert smá í dag :) Hann var líka búinn á því klukkan hálf átta, teygði upp hendurnar og lét mig bera sig inn í rúm. Sofnaði nær samstundis :) Góður dagur hjá litlum karli.

Enn meira hnoð í sófanum :)

Hnoðast í sófanum

Kúrt í stólnum (nb, ekki kanínumegin Júlla :))

Hmmm, á ég að borða meira eða...?

Að skoða taubókina sína

Sprækur strákur :)

Þegar ég kom á leikskólann og sótti músina tók hann utan um fæturnar á mér og knúsaði mig svo að ég missti næstum andann þegar ég tók hann upp :D Hann er svo góður. Við töltum í rólegheitunum út í bíl og var herrann kátur að komast út. Þegar heim kom fékk hann sjálfur að labba upp stigann og hann gekk beint að dyrunum mínum og beið þar. Þekkir sig greinilega :) Þegar inn kom brunaði hann inn í stofu og byrjaði að hnoðast í sófanum. Svo var öll íbúðin tekin í gegn að venju, kíkt í eldhúsið og Hildu herbergi. Við skoðuðum aðeins taubækurnar sem ég fékk handa honum og hann var bara nokkuð áhugasamur. Þegar mamma hans kom við með töskuna hans reyndi litli prakkarinn að sleppa, enda afar hrifinn af því að fara upp stigann. Hann fékk að tölta upp einn stiga en var svo borinn spriklandi inn aftur :D Ég var svo að taka myndir af honum og rölti hann þá til mín og kíkti á myndavélina. Ég sagði, sjáðu þarna er Steingrímur og sýndi honum myndina og hann horfði lengi á hana og glotti smá :) Hann borðaði ekkert mikið í kvöldmatinn, enda víst afar duglegur að borða í leikskólanum í dag. Rúmlega hálf átta fór hann að nudda augum og var þá skellt í náttföt og tannburstaður. Hann sat svo aðeins með mér og skoðaði bækur. Þegar hann fór að vola og vilja faðma mig vissi ég að tími var kominn á að kúra. Ég lagði hann í rúmið og um leið kom smá bros á andlitið. Augun lokuðust örskömmu síðar og hann sefur sæll og góður :)