Steingrímur Páll: October 2006

Beið aðeins í rúminu meðan ég var að hafa til lyfin. Sæta mús !

Sofandi duddukarl

Leiður leikskóladrengur

Þegar ég vaknaði við klukkuna var liti karl ennþá sofandi. Hann rumskaði þó fljótt þegar hann heyrði mig brölta. Lyfin runnu niður með smá jógúrt og svo klæddum við okkur og komum okkur af stað í leikskólann. Þegar þangað var komið varð minn maður lítill í sér og skældi smá. Þegar ég fór var hann til allrar lukku búinn að róast og beið í stólnum eftir morgunmatnum. Hann fékk nokkur knús áður en ég fór sem takk fyrir góða helgi :-)

Nenni ekki að sofna !

Labbaði við borðið

Knús !

Neibb ! Horfi ekki neitt á sjónvarp !

Ég nenni ekki að horfa á CSI !

Sætur sófakarl

Maður verður bara feiminn

Ertu bara enn að mynda mig ? Ég veit ég er myndarlegur en...

Híhíhí

Hey Svava ! Haltu þig bara á mottunni !

Afslappaður sunnudagur í Möðrufellinu

Við Steingrímur höfðum það bara huggulegt heima í Möðrufellinu á sunnudaginn. Hann vaknaði eldhress rétt um átta og borðaði góðan morgunmat. Svo var sprangað um íbúðina fram að hádegi, en mest var þó gaman að sitja á mottunni sem nú er orðið mikið uppáhald ! Hann borðaði að venju vel í hádeginu og vildi svo leggja sig eftir hádegið, saddur og sæll. Við lúrðum því saman, það var gaman :-) Stubbur var alveg til í stappaðar kartöflur með smjöri með kvöldmatnum og fisk með, var sérstaklega gaman að gefa honum að borða þessa helgi því allt hvarf ofan í hann :-) Þegar hann var kominn í náttfötin fórum við inn í stofu að kíkja á sjónvarpið. Mér tókst að fá hann til að sitja hjá mér smá stund en svo varð hann að fá að sleppa aftur af stað á röltið :-) Loks þurfti lítill maður að fara í rúmið og þegar ég var að setja á hann bleyjuna fyrir nóttina var hann að söngla og endaði svo á að segja já. Já, sagði ég á móti. Þá sönglaði hann aftur og endaði á já ! Aftur sagði ég, já já og brosti. Og þá brosti hann líka, sönglaði og endaði á háu já ! Mjög jákvæður piltur :-) Hann sofnaði um tíu leytið eftir mikið rölt í rúminu og heilmikið babl og söngl :-)

Sposkur á svipinn

Stoltur á ferð um bústaðinn

Sumarbústaðarferð í fallegu veðri

Á laugardagsmorguninn vaknaði herramaðurinn um hálf átta og var hress og kátur. Hann borðaði vel af morgumatnum og fór svo í labbitúr um íbúðina. Hann dundaði sér við að skoða mottuna milli gönguferðanna og var orðinn glorsoltinn þegar kom að hádegismatnum. Aftur hvarf fullur diskur án vandræða :-) Minn maður hlýtur að vera að taka vaxtarkipp ! Eftir matinn tók hann sér lúr, en um þrjúleytið kom Gunna og við lögðum af stað upp í sumarbústað að heimsækja vinkonur mínar sem voru í húsmæðraorlofi :-) Veðrið var alveg dásamlegt og ekki spillti svo fyrir að útsýnið við bústaðinn var einstaklega flott. Bústaðurinn var við Andakílsárvirkjun við Skorradal. Þetta var stór bústaður og mjög flottur. Steingrímur var ekki seinn að nýta sér plássið í að bruna um í löbbunni og vakti mikla aðdáun fyrir það hvað hann er orðinn duglegur :-) Því miður mistókust flestar myndirnar sem ég tók þarna uppfrá, en þó eru tvær af honum í labbitúr. Við stelpunar borðuðum tacos í kvöldmatinn en herrann fékk sér léttari snæðing. Svo kúrðum við okkur við sjónvarpið þar til tími var kominn til að halda heim á leið. Lítill þreyttur karl svaf alla leiðina heim og rumskaði ekki einu sinni þegar hann var borinn upp stigann né þegar hann var klæddur úr og settur í náttföt !

Þetta munstur er rosalega spennandi

Hey ! Flott motta !

Einbeittur gaur

Loksins færsla ! Lítill karl var hress á föstudegi

Ég sótti músastrákinn minn á leikskólann á föstudagseftirmiðdaginn og var hann í banastuði. Við ákváðum að kíkja í heimsókn til Óla og Steinars áður en við keyrðum upp í hæðirnar. Óli var ekki kominn af leikskólanum þegar við komum en Steinar var alveg til í að spjalla við Steingrím. Þegar Steingrímur krumpaði mottuna á gólfinu með því að skríða yfir hana, kom Steinar og lagaði hana. Svo settist hann við hliðina á honum og fór að klappa honum aðeins á höfðinu. Svo varð klappið aðeins innilegra og hendurnar stefndu á augu Steingríms. Þá spratt Svanhildur á fætur en þá var Steinar fljótur að færa hendunar og fór að klappa hratt yfir ennið á Steingrími í staðinn. Hva, ég var ekkert að gera :-) Svo kom Óli heim og hann bara leiddi bróður sinn í burtu þegar honum fannst hann of nærgöngull við Steingrím. Eftir að hafa dvalið með þeim bræðrum um stund var haldið upp í Breiðholt. Steingrímur borðaði kúfaðan disk í kvöldmatinn og skolaði matnum niður með heilum Svala. Svangur drengur ! Svo var slappað af í stofunni um stund en Steingrímur vildi nú helst fara fram á gang og skoða mottuna þar. Loks var kominn háttatími en lengi heyrðist glaðlegt söngl úr rúminu áður en gefist var upp :-)