Strípalingur!!!

Duglegur, vildi labba einn yfir kantinn heima sem hann venjulega fær stuðning við

Skoðar nýja húsið hennar Steinku, fannst hurðin rosa flott!

Hressari snáði með snert af strípihneigð!

Steingrímur vaknaði rúmlega hálf sjö í morgun og var bara hress. Borðaði mjög vel af morgunmatnum og fór svo á röltið. Var mun virkari en í gær, skrapp inn í herbergið hennar Hildu að hnoðast á dýnunni og fór inn á bað og opnaði og lokaði hurðinni í sífellu. Svo fann hann upp á því að klæða sig úr peysunni, mjög ánægður með það :) Hann borðaði líka mjög vel af hádegismatnum, tók í hendina á mér nokkrum sinnum til að fá mig til að moka hraðar. Eftir hádegið hélt hann áfram að svifta sér úr peysunni og reyndi að ná buxunum niður líka ! Við fórum svo að hjálpa Steinku systur að flytja. Steingrími leist vel á nýja húsið, stóð alveg í lengri tíma og skoðaði útidyrnar, vappaði svo um alla veröndina og garðinn, voða gaman :) Svo fórum við aftur í gamla húsið þar sem við fengum gott með kaffinu, herra mathákur borðaði auðvitað mikið líka þá! Hann skoðaði uppáhaldið sitt, eldhúsgólfið, mjög vel. Eins gott, nú sjáum við það ekki oftar. Freyja voffi gaf herranum votan koss þegar við komum og hafði vökult auga með unganum, greinilegt að hún vill passa hann :) Svo fórum við og sóttum Hildu sem var komin úr æfingarbúðunum um kl. 5. Þegar heim kom fór herrann á fullt og brunaði um alla íbúð. Allt í einu birtist hann í stofunni ber að ofan !! Litli strípalingurinn byrjaður aftur !! :D Var líka ánægður með sjálfan sig, glotti þegar ég klæddi hann í aftur :D Ekki leið nema stutt stund þá stóð gæinn aftur ber að ofan í eldhúsinu. Kæru foreldrar, ég sé fram á vandamál... :D Rétt fyrir kvöldmat fékk hann í magann og skældi um stund. Kvöldmaturinn var því frekar lítill í þetta skiptið og var unginn slappur fram að háttatíma. Sumir sofnuðu svo, án nátttreyju (strippari!) rétt um hálf 8 :)

Alvarlega músin

Pirraður á mottunni, alltaf að ýta henni til

Rólegur dagur með litlum karli

Steingrímur vaknaði kl. 6:2o og borðaði tvo diska af hafragrauti í morgunmat. Þegar Hilda fór á fætur og fékk sér að borða kom hann og potaði í matinn hennar :D Ég bauð honum meira en hann var orðinn saddur :) Við fórum svo og keyrðum Hildu upp í Breiðholt þar sem hún var að fara í æfingabúðir í frjálsum. Steingrími fannst fínt að fara í bílinn og sat með krosslagðar fætur og horfði út. Þegar heim kom vildi hann helst kúra sig niður á mottunni og hlusta á tónlist. Hann borðaði mjög vel af hádegismatnum, heilan bakka af Gríms plokkfisk :D Eftir hádegi fórum við með mömmu minni að versla en gaurinn var frekar pirraður svo við drifum okkur heim. Hann kúrði sig áfram niður og var dálítið niðurdreginn, var í því að ýta mottunni til og reyndi reyndar að kippa sænginni minni úr rúminu :) Herrann borðaði svo vel líka af kvöldmatnum og hefur drukkið vel í allan dag. Hann sofnaði ekki fyrr en hálf níu og hefur sofið alveg rólegur síðan.

Einn frekar daufur í dálkinn

Þreytt lítil mús

Ósköp voru sumir nú þreyttir í dag. Ég sótti hann heim í Mosó og fékk þær fréttir að hann hefði borðað frekar lítið á leikskólanum. Hetjan litla hafði fengið sprautu í fimm ára skoðun í dag sem örugglega var ekki til að hressa hann. Við fórum svo heim og slöppuðum af en herrann var ansi daufur. Vildi helst liggja á grúfu hreyfingarlaus. Það var ekki borðað mikið af kvöldmatnum en nokkrar skeiðar tókst þó að gabba inn fyrir varirnar sem svo voru herptar aftur og ekki séns að opna þær aftur. Mér til undrunar var hann lengi að sofna þrátt fyrir hversu syfjaður hann virtist vera, lá lengi í rúminu og rúllaði sér til áður en hann sofnaði. Hefur sofið sætt og rótt frá kortér yfir átta.