Gaman að hossa sér í Steinku sófa

Stunginn af á nærfötunum :D

Borðað hjá Steinku, situr flottur í stól og fær köku

Besti staðurinn heima hjá Steinku

Á fullri ferð í morgun

Kíkt í Kópavoginn

Steingrímur vaknaði kl. 7:10 í morgun og var í góðu skapi. Borðaði að venju mjög vel af morgunmatnum :) Nema hvað, morgninum var m.a. eytt í að liggja á uppáhaldsmottunni og rymja eins og björn, ýta eldhússtól um gólfið og skreppa upp á stofuborðið. Að sjálfsögðu hámaði hann í sig hádegismatinn, ýsa með gulrótum, kartöflum og brokkólí stöppuðum saman. Eftir hádegi skelltum við okkur til Steinku systur og eyddum deginum þar. Freyja voffi tók að sjálfsögðu á móti Steingrími með votum kossi. Herrann var nú ekki par hrifinn af því. Hann skoðaði nýja húsið en leist strax best á nýja sófanum, sérstaklega staðinn við hliðargluggann. Hann fór þangað aftur og aftur, hossaði sér og mændi út um gluggann tímunum saman. Við fengum okkur gott með kaffinu og sumir borðuðu 2 sneiðar af gulrótarköku :) Við héldum svo heim þegar dimmt var orðið og fengum okkur kvöldmat. Lifrapylsa með kartöflumús. Sumir voru enn saddir eftir daginn og borðuðu bara eina sneið af pylsunni og nokkrar af mús. Svo var maður strippaður svo fötin gætu farið í þvottavélina og sumir stungu af hamingjusamir á nærfötunum og neituðu hástöfum þegar hann átti að fara í náttföt :D Hann beit sig líka fastann á tannburstann :D En svo fór hann í rúmið rétt fyrir átta og sofnaði strax, sæll og rólegur.

Kúritími :)

Gaman uppi á borði :)

Spjallað við kaní

Hress, velútsofinn prakkari

Ég varla þori að skrifa þetta foreldranna vegna.. en drengurinn svaf alveg til hálf átta!! S.s. í 12 klst! Við vorum því bæði velútsofin og gæinn borðaði tvo diska af hafragraut og sveskjumauki í morgunmat. Síðan kom píparinn og Steingrímur kippti sér ekkert upp við lætin í honum, fór bara og ýtti verkfærunum hans af uppáhaldsmottunni og lagðist þar :D Þetta gerði hann nokkrum sinnum. Svo fór hann að færa sig upp á skaftið og svipti dúknum og öllu með af stofuborðinu! Mér rétt tókst að bjarga því brothætta. Þvínæst klifraði hann upp á borðið, dansaði og dillaði sér þar og horfði á sjónvarp. Hann fór þarna aftur og aftur :D Fékk plokkfisk og brokkólí í hádegismat og borðaði á við tvo fullorðna :) Eftir hádegið fór hann nokkrum sinnum og kíkti á hvað píparinn var að gera og læddist líka á eftir honum fram þegar hann var að fara út með ónýta draslið. Einhver leiðinleg Svava stoppaði hann alltaf, mrrrd. Við fengum okkur brauð í kaffitímanum og greinilegt að sumum finnst mysingur góður. Tvær og hálf brauðsneið hurfu ofan í hann! Svo var hann á ferð og flugi fram að kvöldmat, borðaði hálfan disk enda örugglega enn saddur eftir daginn! Hann sofnaði rétt um átta og sefur enn eins og engill :)

Kúrt á mottu og stofustól

Lítill þreyttur deplakarl

Ég sótti músina mína í Mosó í dag og fékk loks að sjá hvernig hlaupabólan hafði leikið hann. Karlgreyið er með bólur um allt en til allrar lukku eru þær núna að gróa. Það var erfitt að ná honum í burtu því hann vildi kasta sér í fangið á mömmu sinni, skellihlæjandi :) Það varð ein óvænt uppákoma þegar við keyrðum af stað, heimiliskötturinn stökk skyndilega upp í farþegasætið við hliðina á mér svo ég fékk næstum hjartaáfall!!! Hafði hoppað inn í bílinn þegar hann stóð opinn! Ég sleppti kisu en var að hugsa um að leita í skottinu hvort það leyndust nokkuð fleiri fjölskyldumeðlimir þar!! :D Þegar heim kom tók guttinn rúntinn um íbúðina að vanda en vildi svo bara kúra, grúfa sig niður í uppáhaldsmottuna. Hann borðaði samt ágætlega af kvöldmatnum en það þurfti að taka hann í áföngum. Hann datt svo út af örmagna kl. 19:30 og sefur sætt. Þreyttur lítill gaur!