Stungið af úr stofunni

Sybbinn 

Alvarlegur gaur 

Sætur í góðu skapi

Hahahahahahahah 

Chill með kókómjólk

Slappað af í stóra rúminu

Kl. 7:30 :-) :-) :-) 

Z-z-z kl. 04:15 

Rólegheitadagur með miklum svefni

Unginn svaf vel fyrri part nætur en var að vakna af og til frá 4 og skæla. Hann vaknaði svo alveg rétt um hálf átta og var í ágætu stuði þá. Eftir morgunmatinn fór hann á röltið en var frekar syfjaður undir hádegið. Ég gaf honum þá safa til að hressa hann. Hann borðaði ágætlega í hádeginu en drakk ekki mikið með. Eftir hádegið vorum við bara heima í rólegheitum. Herrann var frekar rólegur og ekki til í mikið fjör. Hann steinsofnaði um hálfþrjú og svaf eins og steinn. Eftir 2 tíma reyndi ég að vekja hann en þá æpti hann og grét en steinsofnaði svo aftur. Hann vaknaði loks kl. hálf sex !! Hann borðaði mjög vel af kvöldmatum, fullan disk af mat (fiskur með kartöflum) og svo heilan banana í eftirrétt. Hann var svo eiturhress eftir matinn og ekkert á því að fara að lúlla, augljóslega eftir allan lúrinn. Klukkan kortér yfir níu tannburstaði ég ungann og smellti honum í rúmið. Hann dansaði um allt rúm þar til kortér í ellefu, þá loksins gafst hann upp og sefur nú sætt og rótt :-)

Enn meira z-z-z-zzzzzz ! 

Z-z-z-z-z-z 

Borðað sofandi

Labbað meðfram skápnum heima

Einbeittur karl 

Verið að sýna Steingrími dótið

Hahahahah, þetta kitlar !

Steinar leggst á gestinn :-)

Steinar langaði í snuðið

Herrann klappar Steinari á kollinn

Heimsókn hjá hressum gaurum og borðað sofandi

Herra Steingrímur vaknaði hágrátandi kl. 6 í morgun. Honum var þá kippt upp í stóra rúmið þar sem hann fékk nýja bleyju og knús. Hann hélt áfram að kvabba af og til þar til hálf sjö, þá sá ég mér til undrunar að hann sofnaður aftur ! Ég þurfti svo að vekja hann um átta til að fá lyfin og morgunmat. Morgninum var eytt í rölt um íbúðina og mottuskoðun. Þegar ég brá mér á klósettið þá kom unginn skríðandi inn á klósett og reisti sig upp við hnén á mér. Hann tók svo í hendurnar á mér og vildi fá mig með sér í labbitúr. Ég var nú ekki í bestu stöðunni fyrir það, en tókst að semja við herrann um að bíða við baðbarminn meðan ég hysjaði upp um mig :-) Við fengum okkur ávaxtagraut með mjólk í hádegismat og borðuðum bæði vel. Eftir smá afslöppum skelltum við okkur í Kringluna. Þar keypti ég kleinu og svala handa unganum og kláraði hann hvoru tveggja á skömmum tíma. Þvínæst skelltum við okkur í heimsókn til Óla og Steinars. Þeir voru hressir að vanda og til í að spjalla við Steingrím. Steinar var svo kumpánalegur að hann vildi leggjast ofan á hann, en við það fór Steingrími að kitla svo hann skellihló. Það fannst þeim bræðrum gaman. Þeir voru líka að sýna honum dótið sitt. Þegar kom að kvöldmati héldum við heim á leið. Ég bjó til kássu úr afgangnum af kjúklingnum frá því í gær og um leið og hún var tilbúinn ætlaði ég að sækja herrann í matinn. Þá lá hann með lokuð augun og var að sofna ! Ég var snögg til og skellti honum í stólinn og fór að mata hann. Hann opnaði ekki augun, hausinn datt til og frá en hann borðaði fullan disk af kássu og drakk kókómjólk með, þó hann væri í raun sofandi !! Eftir matinn klæddi ég hann í náttföt og við það vaknaði hann mjög úrillur. Varð líka mjög fúll þegar tannburstinn birtist. Nú er hann að tjútta í rúminu, spurning hvenær hann sofnar !

Huggulegt en myndavélalaust kvöld

Þegar ég mætti á leikskólann að sækja gaurinn var hann að bruna út úr stofunni um leið og ein fóstran opnaði hurðina. Alltaf að bíða eftir að sleppa fram, sögðu þær :-) Hann sat brosandi á bekknum meðan ég klæddi hann í og svo labbaði hann sjálfur í löbbunni alveg út að bíl ! Duglegur karl. Að vísu þurfti ég að stoppa hann í því að skreppa inn í sal á leiðinni, en annars gekk þetta vel :-) Við fórum svo og sóttum Svanhildi, Guðlaugu og Steinar og fórum út í kirkjugarð og kveiktum á kerti á leiðinu hans pabba. Hann hefði orðið 86 ára í dag. Steingrímur sofnaði á leiðinni þangað og svaf alveg þangað til við vorum komin heim. Hann tók því bara vel að láta vekja sig, til allrar lukku :-) Þegar upp var komið ætlaði ég að ljósmynda piltinn en þá kom í ljós að myndavélin var rafmagnslaus :(( Og myndavélasíminn góði dó í polli um daginn. Þannig að því miður verða engar myndir af herranum í kvöld. Við borðuðum kjúlla í kvöldmatinn með hrísgrjónum og salati. Steingrímur borðaði vel nema hann lýsti frati á salatið. Þessu var skolað niður með vænum slurk af kókómjólk. Þar sem gaurinn hafði sofnað um daginn var hann ekki alveg á því að sofna strax. Hann fór í rúmið um kl. 9, en sofnaði ekki fyrr en kl. 10 og var þá búinn að tölta um allt rúm :-) Við kaupum rafhlöður á morgun og þá sjáið þið myndir af lubbaling :-)