Sjónvarpssjúklingur :-D

Sumir struku meðan ég var að ná í bleyjuskiptidót

Magapínukarl

Ég kom og sótti drengsa á smurbrauðsstofu ömmu sinnar þar sem hann sat á stól og hámaði í sig brauð. Hann reyndi svo fljótlega að fá mig til að fara út, leiddi mig að dyrunum :-) Við fórum svo heim og höfðum það huggulegt fram að kvöldmat. Herrann tölti um allt og var að opna og loka hurðum, endaði á að loka sig inni í eldhúsi í myrkrinu og fór að skæla og rétti upp hendurnar svo ég gæti tekið hann þegar ég opnaði. Um 7 þegar við ætluðum að fara að borða fór hann að háskæla. Skömmu síðar var bleyjan full og fékk hann nýja og róaðist aðeins. Eftir örskamma stund hófst gráturinn aftur og í þetta sinn grét hann í um 40 mín, þá varð bleyjan aftur full. Eftir það tókst mér að gabba í hann nokkrar skeiðar af góðu spaghettikjötsósunni hennar Kristínar vinkonu en lystin var lítil. Hann steinsofnaði upp úr 8 og hrýtur við hliðina á mér !

zzzzzzzz :D

Skriðinn upp í Hildu rúm

Sætastur !!!

Ha, nei, ég ætlaði ekkert að laumast upp á stólinn einn...

Syfjaður sunnudagur

Steingrímur svaf illa aðfaranótt sunnudagsins. Hann hrökk upp með ópum hvað eftir annað, vaknaði loks kl. rétt rúmlega fimm. Þá var ég ekki búin að sofa dúr. Hann var svo dálítið órólegur allan morguninn en borðaði mjög vel, ýsu í brokkolísósu ! Duglegur karl :D Um hálf þrjú sofnaði hann eftir nokkurn pirring og sváfum við saman til rúmlega fjögur. Hann náði svo að dotta í smá stund þegar ég var að útbúa kvöldmatinn og var frekar svekktur yfir því að vera vakinn. Til allrar lukku spillti það ekki lystinni, hann hámaði í sig ratatouille :-) Svo var bara stuð á mínum frá sjö til tíu. Brunaði um alla íbúð í góðu skapi. En um tíu skreið hann upp í rúmið hennar Hildu og steinsofnaði þar !! Vaknaði ekki þegar ég setti hann í náttföt og í rúmið :D Þegar maður er þreyttur er maður þreyttur !!

Og svo er bara að standa upp !!

Kominn upp á stól !

Gaman að kúra sig í stólnum sínum

Vippar sér upp í sófann

Prílari í stuði

Eftir nokkuð órólega nótt vaknaði herrann með látum rétt um kl. 6. Eftir morgunmat fór hann að róast og rölti af stað um íbúðina. Um kl. hálf ellefu kom Kristín Anna í heimsókn með litla son sinn og var svo bráðgóð að mæta með súkkulaðihrísköku. Hmm, allt í einu stóð einhver spenntur upp við stólinn minn og togaði hendina á mér að munninum á sér. Namminamm. Ekki spillti kakan fyrir matarlystinni, ég gat sýnt gestinum hversu miklir mathákar sumir geta verið með því að moka Gríms plokkfisk í botnlausan gaur. Henni þótti mikið til koma !! Svo byrjaði minn að príla. Upp í sófa, upp í stólinn við hliðina á sjónvarpinu og upp á stólana við borðstofuborðið. Þar var hann svo djarfur að standa bara uppi á stólnum !!! Eftir að Kristín fór sofnaði unginn í tæpan klukkutíma. Hann var svo að dunda sér fram að kvöldmat en þegar ég kom að ná í hann í stólinn hafði hann sofnað !!! Ég vakti hann strax aftur en þó hann hafi í mesta lagi sofið í 2 mín þýddi þetta stuð í rúminu fram eftir kvöldi ! En hann gafst upp að lokum :-)

Sæti karl í stofunni. Myndavélin varð svo batteríslaus, meira á morgun !

Kvöldhress karl

Þegar ég kom að sækja litla manninn í Mosó í dag var hann frekar aumur og skældi mikið. Það lagaðist þegar við vorum komin heim. Hann fór strax á rölt um alla stofu og var eiturhress. Þegar kom að kvöldmatnum borðaði hann fullan disk af ýsu með brokkolí. Eftir matinn chilluðum við í stofunni og herrann brosti og hló milli þess sem hann labbaði meðfram húsgögnunum. Svo var hann tannburstaður og færður í náttföt, þvínæst lagður í rúmið. Þá fyrst var gaman, hann stóð uppi í rúminu og spjallaði í 20 mínútur. En um kl. 21 gafst hann loksins upp og sefur sætt :-)