Í stuði á mottunni - ekki sybbinn!

Að vakna upp í rólegheitunum hjá stelpunum

Unginn fannst sofandi við hjónarúmið

Að borða góðar súkkulaðikökur

Afmælisveisla með góðum súkkulaðikökum

Steingrímur vaknaði kl. 6 og borðaði að venju vel af hafragraut með eplamauki í morgunmat. Hann var svo á töltinu og á mottunni sinni fram að hádegismatnum. Hann var mjög ánægður með brauðsneiðar með skinku og osti, grilluðum í samlokugrilli. Svo skruppum við í Laugardalshöll þar sem ég var að raða stólum fyrir Dalai Lama fyrirlesturinn á þriðjudaginn. Steingrími fannst þetta fljótt leiðinlegt svo við stoppuðum ekki lengi. Við skruppum svo í bíltúr með Svanhildi. Svo var farið í Kópavoginn í afmælisveislu hjá Sif vinkonu. Steingrímur var afar ánægður með súkkulaðikökurnar sem voru í boði, hann borðaði 3 sneiðar!! Súkkulaðið hafði nú ekki örvandi áhrif því hann tölti inn í hjónaherbergið og steinsofnaði við hliðina á rúminu. Eftir smá blund var hann vakinn en þurfti smá tíma til að jafna sig og lá þá uppi í rúmi með Örnu og Freydísi sem voru að horfa á sjónvarpið. Við fórum svo heim og elduðum pylsur í kvöldmatinn. Herrann borðaði heila pylsu þrátt fyrir allt súkkulaðikökuátið! Hann var svo á töltinu þar til rúmlega hálf níu. Þá lagði ég krúttið í rúmið og hann sofnaði fljótlega vært hjá bangsanum sínum.

Chillmasterar á sófanum :)

Á ferðinni hjá Steinku

Freyja fagnaði okkur eins og alltaf

Chillað á bekkjunum

Leikið og slappað af í einu húsinu

Smá ævintýraferð á bak við húsin :)

Á labbi í sjóræningjaskipinu

Kíkt á geiturnar

Viðburðaríkur dagur :)

Steingrímur vaknaði rétt fyrir sjö og var í góðu skapi. Borðaði tonn af hafragraut og brunaði svo inn í stofu og horfði aðeins á skrípó. Talsverðum tíma var eytt á uppáhaldsmottunni og mikið sungið. Hann borðaði mjög vel í hádeginu og eftir matinn brunuðum við í Fjölskyldu- og húsdýragarðinn með Svanhildi, Óla og Steinari. Þar voru líka u.þ.b. 90% þjóðarinnar! Kerran mín reyndist með sprungið dekk svo Steingrímur endaði á því að vera keyrður um í stórum hjólastól!! Við komumst eftir troðning í gegnum mannfjöldann að leiktækjunum í fjölskyldugarðinum og hittum þá engar aðrar en ömmu, Siggu frænku og Evu stóru systur :) Steingrímur brunaði til Siggu og gaf henni knús :))) Þær voru í Candy floss biðröðinni og við kvöddum þær fljótlega þar sem ungur herra vildi komast í fjörið. Við fórum hring í sjóræningjaskipinu en þar var svo mikið af krökkum að Steingrími þótti nóg um. Við fórum þá yfir að húsunum við hliðina á og þar fannst mínum gaman. Hann labbaði allt í kringum húsin, fór inn í eitt og klifraði þar og settist svo á bekkinn þar og slappaði af :) Allt of mikil læti þarna úti! Við töltum svo aftur í átt að skipinu og sáum þá Siggu frænku, enn í röðinni!! Svo kom Svanhildur með pylsur og drykk og við fengum okkur hressingu. Svo fór veðrið að versna svo við skruppum öll í Kringluna. Steingrími fór fljótt að leiðast svo við fórum næst í heimsókn til Steinku. Freyja tók vel á móti okkur eins og venjulega :)) Loks fórum við til Kristínar Önnu í mat ásamt Guðnýju vinkonu. Steingrími fannst gaman að bruna um svæðið en Doddi litli hafði áhyggjur af því að hann væri að fara að taka dótið hans og fylgdist vel með honum. Þeir félagar chilluðu saman upp í sófa fyrir matinn :))) Hann borðaði mjög vel af kvöldmatnum og sofnaði saddur og sæll eftir viðburðaríkan dag :)

Að kanna Hildu herbergi

Að chilla við rúmið sitt

Hress lítill strákur :)

Ég sótti Steingrím til Siggu frænku um hálf sex. Hann hafði verið hress á hestbaki og Eva systir hans hafði fengið að prófa líka :) Herrann brunaði bara út og niður stigann um leið og Sigga var búin að klæða hann í, var sko ekki að nenna að bíða meðan ég var eitthvað að blaðra við hana :D Þegar heim kom fengum við bara stæði úti í enda en herrann brunaði bara eftir planinu beint að réttum stigagangi. Hann tók svo rúntinn um íbúðina þegar inn kom og fór svo inn í svefnherbergi og skellti sér bak við rúmið sitt og chillaði um stund. Hildu herbergi var einnig skoðað :) Að venju var boðið upp á plokkfisk á föstudagskveldi og að venju var borðað vel :) Nær fullt box hvarf ofan í herrann. Svo var hann þrifinn og gerður tilbúinn fyrir rúmið. Hann slappaði svo af á mottunni þar til rétt fyrir átta, þá fóru augun að verða þung. Hann sofnaði kl. 8 og kúrir nú í hnút á koddanum sínum.